CORRENDO POR OURENSE 2015
Un dos obxectivos do Consello Municipal de Deportes de Ourense é organizar manifestacións deportivas nomunicipio, especialmente as de carácter popular.
O CMD organiza coa colaboración do Colexio Divino Maestro, o Club Esprintes Ourense, a Delegación Ourensana de Atletismo, o Club Atletismo Ourense, o Club Deportivo Aurum e a Asociación de Veciños Carlasca, o V Circuíto de Carreiras Populares de Ourense “Correndo por Ourense” en diferentes localizacións do Concello de Ourense.
A Comisión Técnica está formada por:
- Francisco Javier Vázquez Fernández (Colexio Divino Maestro): Carreira do Vinteún.
- Óscar del Campo Rodríguez (Esprintes Ourense): Carreira de O Couto.
- Ángel Fidalgo Vázquez (Delegación Ourensana de Atletismo): Carreira do Centro.
- José Antonio Álvarez Pérez (Club Ourense Atletismo): Carreira da Ponte.
- Eladio Gómez Rosales (Club Deportivo Aurum): Carreira da Zona Universitaria.
- Arturo Rodríguez Pérez (Asociación de Veciños Carlasca): Carreira da Carballeira.
- Marta Míguez Telle (Coordinadora de deportes do Consello Municipal de Deportes)
As categorías son as seguintes:
- PITUFOS 2009 E POSTERIORES PROMESA 1993 / 1994 / 1995
- BENXAMÍN 2006 / 2007 / 2008 SENIOR 1992 E ANTERIORES ATA VETERANOS
- ALEVÍN 2004 / 2005 VETERANOS A DE 35 A 44 anos
- INFANTIL 2002 / 2003 VETERANOS B DE 45 A 54 anos
- CADETE 2000 / 2001 VETERANOS C DE 55 A 64 anos
- JUVENIL 1998 / 1999 VETERANOS D MAIORES DE 65
- JUNIOR 1996 / 1997 ABSOLUTA
Para que os veteranos non varíen de categoría ao longo do Circuíto establécese a data da primeira carreira do Circuíto para o cálculo das idades.Poderán participar atletas federados e non federados. Deberán atender en todo momento as indicacións da Organización.
INSCRICIÓN
É imprescindible estar inscrito para ter cobertura dos seguros de RC e de accidentes. O prazo para inscribirse no Circuíto para todos os participantes comeza o día 8 de abril e remata o mércores anterior a cada carreira, volvéndose abrir o luns seguinte a cada proba.
A inscrición para a primeira carreira do circuíto na que se inscriba ten un custe de 7€ para as categorías junior, promesa, senior e veteranos, para as demais categorías será gratuíta. Todas as demais carreiras do Circuíto nas que participe son gratuítas Unha vez realizada a inscrición non se devolverá o seu importe. A inscrición e o dorsal serán únicos para todo o Circuíto, por tanto, o atleta debe conservar o dorsal en boas condicións. Deste xeito os atletas inscritos nalgunha carreira do Circuíto quedan automáticamente inscritos para todas as restantes.
As categorías xuvenil, junior, promesa, senior e veteranos é imprescindible que teñan un chip amarelo de Championchip en propiedade, por tanto, deberán adquirir o chip (a non ser que xa teñan un en propiedade) por un importe de 15€ (precio especial Correndo por Ourense). Desta cantidade unha parte irá destinada cada ano a axudar a un colectivo social. Este chip será único para todo o Circuíto e só haberá que recollelo na primeira carreira na que participe e xa queda en posesión do seu dono para ser utilizado en todas as demais, así coma noutras que, sen pertencer ó Circuíto Correndo por Ourense, estean cronometradas pola mesma empresa.
As categorías benxamín, alevín, infantil e cadete poden ter un chip en propiedade (sempre que teñan DNI) seguindo o procedemento das categorías superiores (parágrafo anterior) ou ben, poden usar o chip de préstamo que proporciona gratuitamente a Organización. Neste último caso, no procedemento de inscrición, deberá chequear a casiña que indica a anulación do pago do chip en propiedade.
O chip de préstamo recollerase para a primeira carreira na que se participe e, obrigatoriamente, terá que devolvelo na última carreira do Circuíto, na última carreira na que participe ou, por circunstancias particulares, nas oficinas do Pavillón de Deportes dos Remedios.
É obrigatorio levar o chip na zapatilla e o dorsal no peito.
Na categoría pitufos corren sen chip.
Ó finalizar o Correndo por Ourense 2015 os corredores que adquiriron o chip neste Circuíto:
- Poden devolver o chip nas oficinas do Pavillón dos Remedios no prazo de 15 días a partires do luns
seguinte á última carreira do Circuíto 2015. Ó remate deste prazo os corredores que devolveron o chip recuperarán 6€ que lle serán devoltos na propia tarxeta coa que se fixo o pago a través tamén da “pasarela de pago” de Championchip.
- Poden quedar co chip para futuras edicións do Circuíto ou resto de carreiras controladas por ChampionChip.
EN NINGÚN CASO SE PODERÁ DEVOLVER UN CHIP QUE NON FOI ADQUIRIDO NESTE CIRCUÍTO
En caso de que o corredor perda o chip propio deberá autoxestionar a través de Championchip a compra doutro chip para seguir participando no Circuíto. O control das inscricións, dorsais, chips, resultados e secretaría será realizado por procedementos automatizados. Gravarase a chegada para solventar calquera reclamación.
Todos os participantes coa súa inscrición aceptan integramente o presente regulamento e autorizan á Organización para poder facer uso das imaxes do evento.
CLASIFICACIÓN E PREMIOS
A puntuación en cada carreira correspóndese co posto alcanzado, de maneira que os/as que teñan menos puntos serán os/as primeiros/as clasificados/as. Haberá clasificacións diferenciadas para homes e mulleres.
Todos os que estén na Clasificación Xeral por participar en 5 carreiras recibirán un agasallo e os/as tres primeiros/as de cada categoría recibirán un trofeo. Na clasificación absoluta haberá 2 modalidades:
Clasificación Xeral Individual: masculina e feminina.
- 1º/1ª clasificado/a: Trofeo e 300€ en material deportivo.
- 2º/2ª clasificado/a: Trofeo e 200€ en material deportivo.
- 3º/3ª clasificado/a: Trofeo e 100€ en material deportivo.
Clasificación Equipos:
- mixtos dobles parellas: grupos integrados por 2 homes e 2 mulleres: Sumaranse os postos dos 4 integrantes e gañará o equipo que menos puntos sume en total.
Trofeos ó 1º, 2º e 3º equipo clasificado.
Para poder recoller os premios e os trofeos deberase xustificar documentalmente o ano de nacemento dos atletas por medio de DNI ou documento legal en vigor.